續…
第二日，去咗較近的Ski Santa Fe度滑，離市中心幾十分鐘車，沿途開車就好似上大帽山咁上滑雪場。
第二天，去了一個離市中心才十數分鐘車程的Ski Santa Fe處滑，沿途開車就好像上大帽山一樣地上滑雪場。
呢期Santa Fe無乜點落雪，所以個場當日只係開咗兩部Lift同埋兩大條滑雪道 – 4號Lift上Easy Street 同埋 1號Lift上Midland -> Broadway。
近來Santa Fe沒怎麼下雪，所以雪場當日只開放了兩條索道和大滑雪道－4號Lift上Easy Street和1號Lift上Midland轉Broadway。
呢個場好多好多人，其實就好似係韓國果次咁多人，成千人都有。由於只係得兩部Lift，每部Lift的人龍都好長～而呢度的Easy Street真係啱哂我地呢啲玩咗兩日的人，滑到落嚟叫做唔洗跌。其餘兩個似乎都唔係咁掂，所以我決定自己走去1號Lift，向900呎的高山挑戰。
這個場入場人數十分之多，其實就好跟上次在韓國那次一樣的多，差不多有一千人吧。由於只得兩條索道，每條索道人龍都很長。而這邊的Easy Street就正合我們這些才玩過兩天的新手，由頭滑到底也不用倒地。說著說著另外兩個新手好像真的比較……我就只自己一個勇創一號梯，挑戰900呎高山。
900呎都真係幾高，搭Lift都要搭三五幾分鐘，兩腳fing fing望住下面的樹林真係有少少驚。
900呎還真的挺高，單是坐索道都花也三五分鐘，雙腳搖搖的往下面樹林看也真的有點腳震震。
搭到中途部Lift停低咗，等咗三幾分鐘先再啟動，發生咩嘢事呢？之後見到對面落山方向的坐咗三個人，似乎係佢地臨陣退縮吧……
上山途中索道停了下來，待了兩三分鐘後才再啟動，是什麼原故呢？之後看見下山方向的坐著三個人，似乎是臨陣退縮吧？
上到頂落Lift，一如概往咁係仆落去……落Lift位個斜坡真係唔係三兩下就掌握到～
上到頂下車，一如概往是跌著下坡的下車……下車的斜坡真的不是三兩下就能掌握到的～
前面有個方向牌，寫咗有邊條雪道係開放……得一條，呢個前事都知，但原來只係得中級嗰一條！我終於明點解頭先有一縮沙……佢地似乎同我一樣都無乜野理會到纜車站嗰個牌 – “Midland Only! No Easy Way Down!”。難得有得滑雪，無理由坐返Lift落山咁樣衰吧……照去。
前方有個指示牌，說有一條雪道是開放的……只有一條這個事實事前都知道，但不知道是只有中級的一條！我終於理解剛才縮沙的幾位，他們似乎都跟我一樣沒有理會索道站的告示 – “Midland Only! No Easy Way Down!”。難得千里迢迢來滑雪，無理由現在才打退堂鼓吧？不管了……
落山真係幾爽，就好似坐過山車咁，啲風係個口一把把咁打埋嚟，好彩有耳罩，如果唔係凍到耳仔都甩。基本上唔會有人一支箭咁滑落去，而係zig-zag之字形咁滑，根據小學科學堂所教，咁樣個斜坡就無咁斜，加速就無咁快。可惜能力有限就真係有限，Z兩下就仆……前前後後唔知滑咗幾多次雪球。
滑下去真是爽，就像坐過山車一樣，冷風一把把的打在臉上，還好有耳罩，否則的話耳朵都要凍壞掉。基本上不會有人一支箭的衝下去，而是走zig-zag形的。根據小學科學課所教，這樣斜度就會比較變小，加速就會減慢。可惜能力有限就是有限，Z兩下就倒……前前後後都不知道滾了多少次雪球。
什麼八字腳可以停……去度呢個斜度根本就唔啱用，啲人都似乎係靠Z轉彎嗰一下去消耗啲速度。未滑過雪的唔好以為嗰兩支Pole (手杖)係用來減速用，其實係啱啱相反，係用來加速用的……Z唔夠兩下，一掟彎掟得太快，就會變咗面向山，咁就一定反車，Z緊嗰時個重心都變得好快 (Normal Reaction個方向由向前變咗做向側)，跟唔切的話又係同一命運 – 炒。
什麼外八字可以停……在這個斜度跟本是用不上，每個人都似乎是靠Zig-zag轉彎而消耗一下速怪。未嘗過滑雪的千萬不要以為兩支雪杖是減速用，其實就剛好相反，是用來加速的……Z不過兩下，一拐彎拐得太急就會面朝山頂，繼而人仰馬翻。在Zig-zag時重心變得大快 (反作用力的方向由前方變做側面)，未能跟上的話也就是同一命運－炒。
有幾次覺得太快，又覺得停唔到，索性自己特登仆低。
有幾次覺得太快，覺得無辦法停下來，唯有故意倒下去。
有一次遇到前面有班玩snowboard的坐咗係喥，應該係滑雪學堂的學生，個導師去指導緊另一個學生。佢地就正正坐下本來我打算轉彎的地方，我又唔想係大馬路中間仆低，影響到上面滑落來的人……所以最後都係仆低，一鏟就鏟到埋樹邊，雪橇都甩埋 (本身係Boot連橇扣實的，但係太暴力的話都係會甩)。班同學幾對眼就望上來，我就成面成口都係冰水……
有一次遇到前面有一班玩snowboard的在休息，應該是滑雪學堂的學生，而教練在指導另另一個學生吧？他們就正正坐在我原本要拐彎的地方，但我又不太想在大雪道正中間倒下來，阻擋雪道……所以最後還是倒下來，一滑就滑到樹旁，雪橇都飛脫了 (本身是跟鞋扣穩的，但太暴力的話還是會被掙說)。那班學生就望上來，而我則整塊臉都在吃冰……
睇見對面樹邊有個人拖住對橇行落山，似乎佢頂唔順滾落山的滋味吧？
看見對面樹邊有人拖著雪橇走下山，似乎是不能忍受滾下山的滋味吧？
再見到有個Staff駕住電電橇落山，車斗上有另一個滑雪者……又有另一個人放棄吧？
再看到有一個職員騎著電雪橇下山，車斗上有另一個滑雪者……大概是又有另一個人放棄吧？
我再努力向下”滑”……
我再努力往下「滑」……
到某一個位置，突然變得特別斜，轉彎失平衡，打側向外仆，對橇即時刮起局部地區性大風雪，成個人已向前瞓低咗，但係雪真係好滑……眼見前面廿米前有一對情侶休息緊，心就只有希望可以撞上去之前停下來。
到某一個位置，突然變得特別陡，拐彎失重心，打側向外翻，一對雪橇頓時捲起局部的大風雪，整個人則已經是伏在地上往前溜……眼見前面廿多米有一對情侶在休息，心中只想著能在撞上前停下來就好。
結果剛好在佢地側面停低……呼。
結果剛好在他們旁面停下來……呼。
“Sorry…”
“Nevermind, it does happen.”
到呢度差唔多落完Midland，之後無乜驚險就完成埋Broadway，終於滑到落山了！
到了這裏差不多完成Midland，之後就無驚無險完成Broadway，終於滑到底了！
去返匯合點，佢地都未落完Easy Street。Easy Street只係高150呎，我嗰條就高900呎，真係唔知佢地攪乜攪咁耐。
回去匯合點，另外兩位好像還是在Easy Street。Easy Street才150呎高，我那條則是900呎高，真搞不懂他們在幹啥。
總結來說，若果唔洗滾雪球的話實在係好好玩……但係係學識之前似乎過山車好玩啲～雖然食咗十幾個雪餅，但係都好好彩無受傷，實屬萬幸。
總的來說，若不用滾雪球的話實在是很好玩……但是在學會滑的前還是過山車比較有趣。雖然吃了十幾個雪餅，但還沒沒有受傷，實屬實幸。
