The Network under the Bright-Bright Sky

攪完一輪總於set好，都差唔多Fine tune好。個系統實在太多功能，一時三刻Tune好實在唔易。

可以用remote控制～睇可以上網用電腦睇，電視睇當然都得，因為駁左TV Out嘛。Live TV仲可以定鏡倒帶乜都得。

預較錄影可以online做都得，click下個節目表就可以叫佢日日都錄呢個節目～太方便。

仲有個認廣告功能，靠黑畫面、場景轉換密度同埋電視台Logo去自動分辨邊段係廣告，so far 100%無問題，可以自動skip廣告，太厲害。

有咗呢個嘢睇多左電視tim……新聞、劇集、資訊……四個台都已經睇唔哂。

尚餘工作：

• 要買過張TV Card，而家張二手收得唔好。買過一張有Dual tuner同時錄/睇兩個台先得。
• Nicam唔Work，唔知點解lei. 都可能要改少少Code先至可以好方便咁用。
• On screen display要design一下，而家果個雖然靚，半透明面板顯示節目名同埋Timeline～但係條Panel設計係係畫面下方，檔住咗啲字幕。
• 再Tune下compression setting，佢啲MPEG4好似無動畫file啲MPEG4咁靚，定係因為我跟本收得唔清？
• 電話預較錄影。認來電顯示號碼，係自己人的話就以Asterisk接聽，再做預較錄影的功能……wahaha 有點兒過份

真係幸福。呢個老細接受我未畢業，仲要返學，仲分分鐘做多半年就唔做的情況下都請我～待遇不薄、工作環境好、無乜會要開、彈性又高……最重要係因為公司細，基本上Afford唔起請「牛」，即使有牛都唔關我個Product事。呵

今個星期去完成科大的Industrial Training，係Degree Requirement之一。今個Module係一連六日每日朝九晚六的M5 Software Engineering，其實洗乜六日，四日都真係夠哂籌。今日第五日佢已經正正式式講哂Notes無野講，前四日佢都只係上午講，十一點半放Break break到lunch time之後lunch time直到2點再續，不過下午都唔會講嘢，只係點名同俾我地做Project……哂我時間哂佢時間，個冷氣仲要較到得15度，真係電都哂唔少。即使係做哂嘢，但係Policy規定最日都一定要返，如果唔係佢會「好難做」咁話。邊可以咁，中小學就話個個程度差唔多，或者話差唔多的都group埋一班，所以就用同等進程啫，上到大學真係「程度有深淺，萬人抄梳屎」 (Source - 功課答案範本)，焗住啲人坐到夠鐘？凍病我的話個Industrial Training Center真係聽收信。而家最少都要係Email反映一下，再係Training Report強調失當之處。

激氣呀。真係要好serious咁寫封complain letter……

公司的兩大Project的Software確切需要大執。電腦啲嘢真係outdate得快，只要幾年時間成套Software就變得好亂，例如有時寫錯方向寫落的核突Code，要趕工所寫出來的潛建Code，幾年無Update過的Document Procedure，單係佢依賴住的Software都已經Update過幾十轉，實在好需要執一下。我其實希望係呢段短時間可以幫公司執好執靚個Software，如果唔係繼續係堆垃圾上面Build上去就真係比Keroro更惡攪。唔知老細有無咁樣的打算？

倉頡一早就預言左爆¹係命運嘅安排，情況就好似三文魚去咗邊²一樣……

一年一度的Laptop大特賣又來，款色是意料中事，沒有什麼驚喜。事實上Lenovo Thinkpad T60的重量、大少、電量比起Panasonic Let’s Note Y5還要遜色，只是CPU、Display和最重要的Keyboard排位佔優，不復當年T40時沒有其他型號能夠作為對手之光輝。

雖然吸引力大減，不過都幾吸引。心裏都有幾個籍口：一來我現機的保養期即過，若明年間有乜三長兩短，未到下次Laptop Promotion之前都唔知買唔買過部好。二來……其實沒有什麼特別，只是哥哥剛巧想要將一部更舊的電腦替換，所以將我現有的換給他的話就可以大條道理、理直氣壯、言之成理、順手推舟咁買部新的。三來，走進Microsoft的門檻怎可以沒有一部可以跑Vista Aero Glass的Laptop。

說到底都可能只是想要新玩具的心態。但想一想第一點，又不是完全沒有道理。口頭上說著要買要買，但心裏還是未有一個甘心的理由……真惱人。定係應該睇開少少，反正都搵到個錢，分期俾都只係區區$28.86 x 365，都只係一個Lunch再貴少少……嘿。

始終覺得嗰籍口唔夠sound……

1. 火日廿水 FATE
2. Pizzahut：三文魚去咗邊？三文魚去咗邊。咪就係去咗邊囉。

係科大的Newsgroup有人討論有無搵啲Freelence (read: 秘撈)做吓，為的就係可以搵多兩個錢，或者為咗得人賞識的滿足感。

我本來以為朝九晚六返到屋企仲可以攪下啲副業，但係宜家做落就覺得無咁嘅精神，亦無咁嘅需要。

原來朝九晚六每晚返到去都已經無乜時間，攤吓抖吓KitKat吓都已經夠鐘，其實可能係因為睇電視所以以較低效率用咗啲時間……要快啲set好個MythTV，將啲電視save到星期六日先以飛廣告的速度去清先得，咁應該會有效率啲。

滿足感方面，無論係經濟，挑戰定係俾人賞識方面，都已經係現在的正職獲得了。所以都係留返啲力，幫現在的公司賣力啦。