The Network under the Bright-Bright Sky

If you can’t see my mirror, I can’t see you!

呢句嘢通常係呢度啲貨櫃車或者大貨車車尾寫住。即係話如果你見唔到佢塊倒後鏡，佢都睇唔到你。
唔明？睇下呢啲相。

This vechicle makes wide right turn

都係成日見。問題係點解只係講Right turn呢？唔通Left turn就唔會wide？ (BTW, 係美國係右上左落……)

諗咗陣……其實Left turn基本上都係Wide，無特別要留意。

If you don’t register the BAR above or leave comment, I don’t see you!

快啲Click一Click上面閃閃下的Icon，留個大名啦。

星期四 試整砵仔榚，四點回家
星期五 慶年春後有下場，Pictionary後再找朋友，四點回家
星期六 團年打邊爐，睇《西遊記I 月光寶盒》、《賭俠》，再Pictionary，三點回家
星期日 開年晚飯後再找朋友，一點半回家

@@” 完全夠哂皮。

祝大家身壯力健、事事順境。

另請收賀年卡。

呢期比靠忙，上一個星期的blog……會慢慢補返 =P

今日似乎係呢期最少人online的一日。

聽日星期就係「粵語慶新春」。今晚去拍檔屋企Mass production。

話時話上次粟米膠，我再上網search過下，查明原來係粟米糖膠的意思！英文係Light Corn Syrup，液體狀，走街都有得賣……Hongkong.com forum嗰個人串錯字而已！呢隻嘢仲要係拍檔廚房本身已經有！！激死我。不過無時間整，果隻膠雪佢個幾鐘都未開始硬……

今次整……整來整去都整唔得好，黐住隻杯都倒唔到出來，上次擔心的問題總於現身，就係攪唔返嗰隻粉漿。究竟上次係點整呢？點解今次整極都整唔到……攪到凌晨四點都唔得，唉。聽日打算用Plan B︰亞冠上陣－男團長的番薯糖水。

星期五

男團長話梗係有啲重要的材料出錯，但係就明明同上次整的一樣，都係嗰啲料。

今日臨出門口前多手睇多次個食譜。查一查google粘米粉係乜，咪就係嗰啲白色麵粉囉。Hm? 點解大部份都係繁體字網站？乜粘唔係糯字的非正式簡化字嗎？開Microsoft Word，打個粘字，Click一Click簡轉繁嗰個掣，登登！個字無變！

再查一查，原來粘米粉(粘讀念尖切nim4，唔係占zim4)同糯米粉係兩樣嘢！><”

二話不說去買粘米粉，時間就只有六小時，本來得五隻功夫茶杯，要整一百幾十粒都唔知整到幾時。而家買多十隻……似乎只係買到拜神用的膠杯，不過無所謂啦。開三個爐頭怒蒸，男女團長都有來幫手，攪粉、落酒、落豆、落漿、落爐、加水、拆杯、洗杯……每人各施其職，流水作業式終於係七點前整好一百個砵砵仔……口感仲要好過上星期嗰堆。

對手係粵語家庭團契同埋粵語青年團契，分別整咗錦鯉形年糕和紫米露。

食飯嗰時，未到甜品時間，除咗紫米露仲見佢地係教會個廚房攪緊，大家都有將啲作品擺出來，有好多人都偷食我地個砵仔榚，仲見到有人一次唔夠要返轉頭攞多兩粒～啦啦聲收返埋，如果唔係過多陣評判都無得食。

比賽結果係家庭團契冠軍、青年亞軍、我地學生得季軍……結果咪當敬下老 =P 大家整到呢堆嘢出來已經好滿意，我地個個都俾自己一百分咖～很好味的砵仔榚，直頭可以出街擺檔。

BTW……究竟上次係用乜嘢方法開粉，用糯米粉都整到出來呢？ @@”

一直都係度搵梗有無好的script base方法去compile Java，最好就Linux同Windows都work。

事源係Partner們去Lab度試機，發現depolyment真係一個要難題，得個Jar file，想bundle個新Runtime都唔知點算，迫住要去解決。

原來遠在天邊跟在眼前，連Eclipse都default有特別support的Apache Ant。Java唔同C++，就係唔無話要compile邊一個先，無dependencies，只要recursively compile *.java就得。Apache Ant就係exactly我要嘅嘢，一個XML Setting file話佢知input folder，output folder係邊～再禁個Enter掣就work！點解之前一直留意唔到……仲一直搵Makefile for Java，差啲就踩咗入automake的陷阱。

再加埋Launch4j，可以係Linux又或者Windows將個Jar file變做整個Windows Executable，加個Icon、Runtime Bundling，仲要Ant可以support到，完全係fit到漏哂油。

呵，而家server每日都會update個svn code repository，再整個nighty build，太好了。