The Network under the Bright-Bright Sky

六七年前係韓國滑過幾個鐘頭雪，就概括了我滑雪的經驗……滑雪一般來說只會收兩樣費用，租Boots、Skis (Heel/雪橇)同埋Poles的費用同埋Lift Ticket的費用，如果自己帶哂所有裝備入場唔搭Lift的話，係唔洗錢入場。

對Boots係會鎖緊腳踝的，再Mount係雪橇上面用。至於對Poles，基本上係滑得唔夠快用來加速，或者當平衡木用，但絕對唔係用來煞制……就只係租Boots配Skis換Boots著衫帶眼鏡耳罩前前後後都可以用上成個鐘頭……

對Boots一著咗上去就差唔多係落唔到樓梯，跑唔到……Boots + Skis加加埋埋差唔多十幾磅重，著住佢地基本上係行唔到上山，因為啲雪超滑。唔搭Lift要上山一係就除咗對Skis拎住佢行上去，一係就將對Skis平衡個山波一步一步咁上……無論點樣頂多都只係上到三五七呎的高度，行多兩步都攰死。

上次去韓國只係租咗裝備行上小山波上面滑……都唔可以叫做滑過雪。

今次的Roadtrip滑咗兩日雪，每次兩三個鐘……第一日去咗一個較為Remote (偏遠)的滑雪場 (唔記得個名)，好細規模，成個場得一百幾十人左右。同行的就只有兩個識得滑，其餘兩個(唔包括我)都係第一次滑。我地先係小山波上滑下滑下跌兩三下，可能我都叫有個幾鐘頭的經驗，所以pickup得比較快，之後就同另外兩個識滑的搭Lift上去佢個所謂的Beginner Slope上面滑落嚟……唔知係咪因為個場較偏遠，佢預咗嚟得的人都有份咁上下水準，佢個所謂Beginner Slope根本就已經算做係Intermediate Level，就只係搭佢部Platter Lift都已經跌咗三大次，第一次搭跌兩次，第二次搭跌一次，第三次終於一Take Ok……

個山波係斜，但好彩唔係太長，可能只係得百幾米長，要一Take滑落地唔洗二十秒……但係如果直落的話一定快到死人，一定要走zig zag (之字形)去減速，當時我就只係識少少轉彎，一轉得太多成個人就會轉到對Skis對住上山，咁就會即刻仆低……每次上去都要仆兩三次先落到地……雖然明知要仆，但實在好好玩，一陣陣風吹埋嚟就好似坐過山車咁過癮。……

Santa Fe (聖大非) 係新墨西哥州的首府，距離Houston 900 Miles (1450 km)車程的地方，座落於海拔七千呎的沙灘盆地上 (相對於Houston在海拔五十呎)，最主要做遊客生意為生。

Santa Fe有好多高山圍住，理論上佢應該係係洛磯山脈的延續。

相對於德州，總覺得新墨西哥州十分之荒蕪。可能我地無途徑過任何大城市的關係吧？但係Santa Fe的Downtown連一幢高過五層的建築物都無，跟Houston Downtown大廈林立的境像絕對唔同。

由I-45上Dallas (Map)，US-287上Amarillo，I-40西行過州再轉上US-84去Las Vegas (Map)，再用I-25南行到Santa Fe (Map)，地圖上睇就好似只係兩步路，但係車程就由九點去到夜晚三點……沿途大多數係油站落腳，以車尾箱當餐桌食杯麵，在車上睇《阿旺新傳》、玩傷心小棧 (Hearts)、傾計、聽CD……除咗呢啲，唯一可以做的就係瞓覺……很慢長的旅程……

之前講果個4 degree of freedom變態大舞台……背後的Engineering係呢間野整，http://www.tisfoon.com/cirquedusoleilka.html。

賭

來到呢個罪惡之城，緊係要做返啲罪惡嘢。賭。

一落機係機場大堂就有一打打各式其色的老虎機恭候各位來賓。拉斯維加斯的賭場係好開放，之前都講過佢同商場酒店係形成一體，唔會好似澳門咁要過security checkpoint又唔俾帶袋之類。無論老虎機定賭檯都係開放式的，大人細佬都可以經過……但當然就只係足廿一歲的先可以玩。

現在老虎機的拉桿只係一個比一般按鈕大的按鈕，機前的三個大滾筒都只係一個比螢光幕大的螢光幕而已。一切中獎機率都是在電腦中預先設定好，滾筒停下來的位置也是預先被電腦安排好，全無技巧可言。有啲好似有好多嘢揀要好多技術都老虎機、Video Poker都不過如此，一樣都係睇你運氣……內華達州法例規定，老虎機的Payout最少為75%，即係話如果你有$X咁多錢去長煲一部老虎機，佢會至少賠返$X*75%咁多俾你……

我去用一蚊去玩一部Penny Slot(一美仙拉一下)，唔法兩三分鐘就玩完……賭場內仲有高達USD 25拉一下的燒錢老虎機，出奇地有人會玩啲咁嘅嘢……

都係睇賭檯過癮啲，始終都係實物真牌，而多數關乎Poker的牽涉少少技術成份。行埋去百家樂睇咗一陣，有一位賭客企係檯側邊，係唔舖舖都賭，但係一賭就放USD 200上去 (最少賭注為USD 10)……十有八九都係贏，真係好彩。

最後同另一個朋友走埋去Single Deck Blackjack (21點) 的賭檯，最少USD 5一注，算係城中最平。Blackjack有分有自動洗牌機，八副牌同埋一副牌三種，前者無得數牌，後者就係出現Blackjack的機會應該會較少，不過反正佢Blackjack都只係5賠6 (最正路係1賠2)，所以有得數下牌好似過癮啲。我覺得Single Deck的10 J Q K的牌實在無乜著數，只係整到人爆煲。好彩個莊都成日爆煲，最後都算有個安慰獎 =)

呢度的荷官一般都很好人，笑容滿面唔會好似澳門的剋住哂，你贏咗錢會唔ger你咁樣。初頭我地唔知道Hit/Stand (攞牌/夠、唔要)的手勢，唔知道爆咗煲要開牌，佢都會教你。係另一張玩Poker的檯 (唔記得個遊戲名)，要好似十三張咁砌牌，個荷官甚至會教個客點樣砌牌先會贏……我地行埋去一張Let It Ride檯，雖然只係企係側面睇，但係個荷官知我地唔識玩都好有心機咁教我地點玩～跟澳門搏殺的環境簡直就係天壤之別。

去了新墨西哥州的省會Santa Fe準備去滑雪。琴晚到的時候，岩岩有少少雪飄落嚟……感覺就好似有好多頭皮係天上面飄落嚟一樣，但係一行出街塊面就顯哂……