The Network under the Bright-Bright Sky

上星期三，感恩節前夕，跟Roommate一家出街去呢間Outback食飯……

前兩日同人係ICQ上面提到……

(02:09:40) Sam: thanksgiving前一晚去outback…叫左蒸龍蝦尾..兩條
(02:09:46) Sam: 唔夠喉ar >﹏< (02:09:56)
“香港住的朋友”: ar (02:10:01)
“香港住的朋友”: 外國都有outback?

叮……Gap咗
我將以上的Message同另一個人講

(02:11:21) “美國住的朋友”: yeah yeah yeah yeah
(02:11:50) “美國住的朋友”: outback??
n.
1. 澳洲內地
2. 人口稀少開發落後的邊疆地區
ad.
1. 往內地;在內地
a.
1. 內地的
(02:12:07) Sam: u know what i am talking right @@”?
(02:12:13) “美國住的朋友”: not..

Gap埋……

Anyway，Outback是指Outback Steakhouse，香港都應該有三幾間……

其本上若係餐廳的話，都會有一個特定的侍應生去服侍你嗰張檯，由點菜到埋單都係搵佢幫手，佢亦都會時不時走過來斟下水，問下你有無咩需要，啲嘢食得唔得。最後埋單的Tips都會係 (應該會係) 落佢袋。

若果係餐廳又係食西餐的話，點菜的程序會同中餐 / 香港的西餐有啲出入，例如食扒的話除咗會有幾成熟之外，跟飯定薯菜外仲有其他問題。通常每一樣主菜 (Main Course) 都會有前菜 (Appterizer/Entrée) 同埋伴碟 (Side dishes)，一般來說前菜係湯或沙律，伴碟可以跟薯片，薯條，薯仔定係番薯，牛扒的話會仲會問幾成熟 (Raw, Medium, Medium Well…)。沙律最基本都會有凱撒沙律，同埋House (廚師)沙律揀，同埋要揀要乜嘢Dressing (沙律醬)，一般都有Thousand Island, Ranch, Italian等。薯仔又會問要乜野Topping (至少有煙肉、蔥、芝士吧，簡單啲就係答Everything)。

主菜跟沙律係好平常的事，而個沙律又鬼死咁大碟，單食哂的話都已經會好飽。

話時話Servery都有九種Salad Dressing: Thousand Island, Ranch, Low-fat Ranch, Italian, Low-fat Italian, Blueberry, Honey-Mustard, Blue Cheese同埋Caesar。

呢度有8.25% Salse Tax銷售稅，而在餐廳食的話就慣例要俾15% Tips，等同香港的加一。若你一Group人 (多過6至8人)，好多餐廳都會自動幫你加15 - 18% Tips，可能怕你唔識計數或者走佢數？ =P

價錢方面……Outback同香港一樣價，Starbuck都係同香港一樣價，相對其他嘢來講即係平咗。但其他一般的，呢喥大約貴香港四成左右吧？麥當勞一個餐 $5-$6 (稅後)左右，Size一樣除左汽水大一個碼同埋任添。China Town一般荼餐廳炒飯$6 (稅後)，當中Willy最愛的咸魚雞粒炒飯承惠$9.9 (稅後)……不過呢喥碟頭比較大，我地呢啲窮苦書生通常都會Share食。

飲品之前提到McDonald’s的汽水任添，基本上任何快餐店甚至餐廳都係。快餐店的中汽水等於香港的大，大等於珍寶，仲要無細汽水賣，最少的都是中。聽說KFC仲有1 gallon (定半gallon?)裝，相等於3.8 (1.9)公升，又或者係15 (7.5)包細紙包飲品 (250毫升)。星期日Roommate返來的時候都買咗4 pack (1 pack 12罐) Dr. Pepper，每pack $2……從以上事實指這裏的人真係非常十分之鍾意飲汽水。

上次我去Roommate屋企，雪櫃當然不乏汽水，不過全部都係Lite。呢度除左Lite裝，Pepsi仲有:One裝，Cocacola有Zero裝，即是只得 1 同埋 0 卡路里的意思。不過堆Pepsi One係跟新口味，無原味，飲落去怪怪的。問問有無Regular，Roommate媽話，買Regular的話就不得了，一定會肥死佢地的說。

最後提一提煮法，呢喥實在唔興用蒸，莫講話燉…魚一定唔會有清蒸，一般都係煎同炸。雞有時會係燜(炆)，但係一定係乾哂水諧煠煠。其實呢喥啲雞好靚好肥美的，係China Town食切雞或者海南雞飯不知幾好味……乾咗的口感真係唔多掂。仲有Servery見到飯要諗過先好食，因為多數都係墨西哥煮法，用來夾Taco用，又係乾到不得了……白飯都係一樣。

……返到香港一定要食一餐海鮮，呢喥真係無乜機會。

又很想買那很貴的Wacom繪圖板……為的是可以在Corel Painter中可以用上書寫壓力的功能。那繪圖板再加上一支另購的數碼畫筆的話，連筆竿方向 (Barrel Rotation)和傾斜度(Tilt Angle)都可以偵測到。

有幾貴？視乎大小吧，但都差唔多USD 300-USD 400。

突然奇想，我最想要的只是壓力功能，至於係咪真係有支筆揸手我又係太旨在，當然有就最好。為何不單單買一隻有壓力感應的滑鼠？很多電視游戲機的手掣都有這個樣的壓力感應掣，成本低，上網search兩下……無結果！再search，發現世上有另一人在2005年3月的blog都提到有壓力感應掣的Mouse的想法，但都是沒有現成的產品。

再想一想，若用Mouse上的scrollwheel來改變壓力設定也好。即是畫的時候，一變按著Left Button畫，一變用Scroll Wheel來改變軟件內筆的壓力設定。當然不太完美，但總比畫一筆，在Toolbar改一改，再畫一筆，改，畫……來得好。再Google，無……

有人說Google無答案的話就即係你個問題有問題……

再諗諗，Laptop上的Touchpad是有類似壓力感應的功能……又再google看看有沒有人可以令那個變做Software察覺得(Aware)到的pressure sensing pad，又再無答案。

在這裏諗，不如自己寫一個Driver？其實可行性也不太低，只要取得Touchpad的Hardware API，最壞打算是在Linux Kernel裏找，以及Software Pressure的Protocol (應該有吧 @@”?)就可以動手做。Touchpad有提供x, y (手指位置), z (Pressure)三個變數，將x, y, z轉成θ, r, z就可以一口氣提供Barrel Rotation, Tilt Angle同埋Pressure三個輸入，完全模擬到那個Wacom板……那樣就可以一手在Touchpad上控制壓力得參數，一手用外接USB Mouse來繪圖……

這個簡單而亦有市場的Idea，為何沒有人做？

再奇想，Pocket PC的Touchscreen若有Pressure Sensing的話 (應該有的，之前做那個Touchscreen 萬能遙控 Projet 時知道)，寫一個Program，再用Bluetooth……更加正。

今日睇到HKUST Programming Team Forum有人這樣寫著：

主旨：下一代 Team Jacket Slogans 你已被屈機。以上 Slogan 的 Jacket 在上 Lecture 時或考 Midterm 時穿著效果特別顯著。
相信是一生人只可以著一次的終極 Jacket。

I see the WIN button.

所以就畫了這個……

圖到的Button是PC104 Keyboard上的Start Button，一般來說是印有Windows Icon的。I see the WIN button的意思是指勝利近在咫尺，勝利就像按一下掣一樣的輕鬆獲得。

回想年中玩Robocon，比賽規定要有一組全自動機械人，比賽開始時只能按一下掣，直到每一個回合結束前都不能夠再有人手干預。我們在製造的時候，目標就只有一個 - 就是弄一個「贏掣」，務求一按即贏，達到開機一按即大局以定，無法阻止。

Try and Catch
還寄得年頭的時候，NASA的其中一部火星車 (機遇號/奮進號) 出了問題。工程司在地球為數億多公理外的電腦找問題，即使這麼遠，當時車上的系統十分不穩定，但他們竟可以知道某一個部件所耗的電流有異常，最後亦可解決到不斷Reboot的問題，實在很佩服有這樣的軟件和硬件設計。

Robocon那兩台機械人我也很滿意，因為我們都做了很多不是必須的工作，如用了更多的感應器，又開發了更進一步的編程工具，使得當出狀況時機器都知道出了岔子，從而作出修正。雖然並不是所有情況都能自我修復，但總算比上一年的機械人安全得多和聰明得多。其他的隊伍大多都無有顧及這一個，機械一旦啟動就會盲目執行，即使出球不順被卡著，不理，甚至乎撞傷人也不會理會。

友隊的就是這樣的一組，他們用上了超強力的馬達，但即使遇上撞車，或輪子被卡著，那個蠢程式都不會理會。硬件上他們沒有緊急停機掣 (我對我們裝了這個十分自豪 XD)，電力裝置也沒有用保險絲，電線的接駁也是用可出錯的接頭……他們每次試車大家都要搬上膠地毯用以防撞，每次都都提心吊膽……幸好沒有什麼事出現過。印象最壞的都算是他們有數顆大功率IC爆了，事件發生後他們隊的白板上這樣寫著：

To 隊友：
電線紅色不一定是正極，黑色不一定是負極！

無言……

前陣子有一個不是修電腦的問程式中的Try and Catch語法有啥用，解釋一番後他仍然覺得不用也罷……又一個不安全的程式即將誕生。

Your mileage may vary即使說你嘅情況可能與所示的/標售的有所出入

我的Keyboard結果以$29.95埋單，得一個人叫價，仲要過咗幾日個買家都仲未俾錢……真係係ebay賣嘢唔係話咁易……

前幾日怒做COMP412 Compiler Project。明明Lecture Notes話Algorithm (算法) 當中的Tie-Breaking (決勝關鍵)好重要，但試咗幾個唔同的條件，跑出來的結果都是一樣……星期四due

呢兩日怒做COMP529 Networking Project。目標要chok一個function可以好好co-relate另一堆data。chok來chok去最高的corelation都只係得0.64 (最好1，最差0)……星期四due

仲有CEVE322 Econ Project。個Power plant model好多嘢都唔clear，又無data……唯有老作？

今日Black Friday，好多舖頭都5am, 6am開，有啲舖的大減價只係為持到上午十一點就完，迫人早起身 @@”……

Walmart有$100 2x” 電視，$200 15″ LCD電視，$3xx有HP Laptop (15″, 128Ram, 40HDD, AMD 2800+, Combo Drive)。連電視都有直播搶購的情況。啲人一早就擁哂係門口，一夠鐘就好似黃大仙上頭注香咁……新聞報其中有個女仕係Walmart俾人推跌加踩咗幾吓，好在無乜大礙。

晨早Roommate，Roommate媽同埋Roommate呀姨就出動 (其實都唔早，九點鐘)，我就瞓到十二點 =P 起身見到張報紙廣告，發現Fry’s Electronics有$50 Hitachi 80G 2M Cache Harddisk連$50郵寄回贈賣，即係只要$4.xx就買到一隻Harddisk，另又有$109.99連$70郵寄回贈的160G連USB Box。一口氣就買咗兩個80G，一個160G連USB Box。

Fry’s Electronics真係大到離譜，佢有賣電子、電腦、電視同埋影音產品。我只係行咗電腦同電子的部份，都已經花咗一個鐘。賣的種類比黃金高登還要多，上至繪圖板，下至電腦機箱都很齊全，甚至連$5000的彩色示波器都有得賣。超級市場式設計，很多產品都可以任摸任睇，電腦底板都唔例外，

Checkout的位置有廿多米的人龍，店舖就在Checkout排隊位的兩旁擺了貨架，造了一條Checkout長廊，作最後的chok錢。情況就好似Warcraft 3玩Tower Maze一樣。

P.S. 有無人要隻Hitachi 80G 3.5″ Internal HDD for Desktop? (Model: HDS728080PLAT20) 1 Year Warranty, 7200rpm, 2MB Cache, PATA 100, Seek time 8.5ms. 寄返香港都應該只係HKD$150。我本來都只係想放上ebay =P，不過實在太多人咁做。