The Network under the Bright-Bright Sky

十月最後一個星期日，美國的時間(夏威夷州與亞利桑那州除外)從日光節約時間撥回正常的時間，即是說星期六的晚上多了一個小時睡覺。正確點來說，在星期日的凌晨二時，時鐘會變成凌晨一時。

可能我對日光節約時間的系統不太熟，但總覺得轉換時間的一刻會有很多麻煩的事情。例如當要說明凌晨一時到凌晨二時發生的事，就要標明是日光節約時間與否。

據新通過的能源法案，到二零零七年，美國會加長使用日光節約時間的時間，由十月最後一個星期日移後到十一月第一星期日才變會正常時間。

電腦的時鐘會根據已定的規則自動調節日光節約時間的轉換，但要更變這個規則卻很明顯要涉及人手。Windows有自動更新可以為使用者代勞，但還有千千萬 萬個電腦系統和程式要逐一以人手檢查，我想其難度跟千年蟲不相伯仲……試想想若醫院的排程系統有問題，或銀行的電腦系統不認得新的時間規定，那爛攤子會是 多難收拾……

難得今個星期比較無咁忙，加上俾IBM攪到頭都暈，所以決定放縱自己。

星期五晚教會請了一個從台灣來的牧師講創世紀，所以團契的時間就去了Chapel(禮拜堂?)聽講。教會規模其實都唔細，以講國語的人為大多數，Chapel的裝修和設備都不俗呢 =P

重點係團友租咗隻GameCube game，Resident Evil 4，團契之後就通頂打機~~Game有點似BioHazard。話說回頭，我第一次接觸這類第一人身恐怖射擊解迷game應該是十多年的Alone in the Dark (PC)吧。雖然當時的3D動畫是完全起角，圖紋也很差，遊戲環境也很光，但恐怖程度絕不比現代game要差。

剛才星期六晚又再到另一人屋企大伙兒打邊爐，當然不少得再續前緣，繼續打。

星期五中午，IBM打來。

EasyServ Customer Care的話個Case終於去到Billing/Deport service手上面，transfer我個call過去。一聽佢把聲，應該又係第二次Shipping嗰個麻煩的女人。佢引述Report話我個 Palm Rest、Keyboard同埋System board有水跡，同埋話上次的人只approve for partial repair under warranty，重申入水係唔包。

叫佢寄證據來，說要星期二才有。

跟哥哥商議後，再戰。強調俾錢唔係問題，最緊要係攞機，只要能夠保留追訴權利，若我們沒有錯，可以退返錢。但嗰個態度惡劣的職員說，一旦俾咗錢，呢個case就唔關我地呢個department事。簡單來說佢就只係問「要機定要錢」，一切其他事宜就話唔關佢事。

佢話話唔到事，問佢咁應該問邊個先話到事，問佢投訴要去邊度，問佢under邊個department，問佢係外判定係IBM請的，就求其俾咗1-800-IBM-4-YOU個電話。

打去IBM-4-YOU，呢個係一個好general的服務，先經過第一個接線生接去IBM Thinkpad Escalation Servire。同Escalation講完一輪就話Customer Care Unit應該幫到手，就轉咗過去。Customer Care Unit話個case係係Billing/Depot Service上面，所以又轉咗過去。兜咗咁大個圈就返翻去個女人喥……唉

為時已晚，下次辦公時間再續。

第四日早上：依然話個case仲transfer緊。話一點鐘打來通知我。

計東面時區撘正一點，無電話來。其實我呢邊只係十二點，不過佢 地通常用東面時區作準。到我打電話去，佢再三打去Depot，再重新強調個系統係自動化的， 佢有人出緊手，我話等都等咗三日，一次又一次去吹都無結果……佢要我再俾少少時間佢，我就俾左個最後通碟：兩個鐘之後再打俾佢都無進展的話，我要佢接去佢 Supervisor。

兩點打俾佢，不果。……同一句要我再等，我話日復日咁樣無辦法，佢都無辦法，叫我今日唔等就正式落薄complain啦。

四點打過去，唔知係佢認得我把聲定係真？未講case number佢已經話Application down咗，lookup唔到最新消息。

六 點打過去，Application無問題……一貫作風，即係先transfer過Depot叫佢再escalate個case，又再叫我等。我話等 escalate等左三幾日，日復日……大前題係跟本billing老早係上次已經approve咗個case。唔知點解呢個agent會開返我個 case history睇，佢一路睇都一路話係disapprove。突然間對話靜止咗十幾秒，再彈咗一句話：「You are right…」，好似發現新大陸咁。終於佢再同唔知邊邊傾好，將個case escalate落返去depot叫佢整，話會同我跟進，聽日再答覆我。
到呢個地步，都只能唯有再信佢……

Project接踵而來。啱啱用咗兩日時間做好425 (Compiler) Parser project的coding部份。Project目標係要為有Pascal一少半咁複雜的Language做Semantic Analysis，即係要做到report到type mismatch，array index constant要計好睇下有無out of bound之類。

本來係今晚十一二點見到有完工的曙光，但係啲芝麻小節一個一個咁彈出來，到剛才才算得上係大致完工……還差啲Error Message要磨吓執吓……咁總體來說，都好似易過Project 1 (Register Allocation)少少嘅。

至於Report嘛，留返俾Partner啦 =P

聽日Professor出城所以無堂上，按排咗去處理529 (Networking)的project……真忙